«Հայփոստով» մարիխուանա է ստացել. ՊԵԿ–ի բացահայտումը

Պետական եկամուտների կոմիտեի մաքսանենգության դեմ պայքարի վարչության աշխատակիցները մաքսանենգություն կատարելու կասկածանքով Երևանում բերման են ենթարկել Հայաստանի քաղաքացի Կ.Հ.-ին, երբ վերջինս «Հայփոստ»-ի փոստային բաժանմունքից ստացել էր Իսպանիայից իր անվամբ ներմուծված միջազգային փոստային առաքանին: Այս մասին NEWS.am-ին հաղորդում է ՊԵԿ տեղեկատվության և հասարակայնության հետ կապերի բաժինը:

«Իրականացված անձնական խուզարկության արդյունքում առաքանում հայտնաբերվել է ավելի քան 17 գրամ քաշով «մարիխուանա» տեսակի թմրամիջոց: Փաստի առթիվ ՊԵԿ քննչական վարչությունում հարուցվել է քրեական գործ ՀՀ քրեական օրենսգրքի 267.1 հոդվածի 3-րդ մասի 1-ին կետով և 268 հոդվածի 2-րդ մասի 2-րդ կետով, իսկ քաղաքացի Կ.Հ-ի նկատմամբ որպես խափանման միջոց ընտրվել է կալանավորումը: Իրականացվում է նախաքննություն», – նշված է հաղորդագրության մեջ։

Загрузка...
website by Sargssyan